Blásarasveit Tónlistarskólans hélt alveg stórkostlega tónleika í Egilsbúð fimmtudaginn 26. febrúar. Á efnisskrá voru popp og rokklög frá ýmsum tímum allt frá Grýlunum til Jeff Who. Árni Pétur Árnason sýndi snilldar tilþrif á básúnuna í laginu Bláu augun þín eftir Gunnar Þórðarson. Hljómsveitin töfraði fram hvert lagið á fætur öðru og uppskar standandi fagnaðarlæti í lokin. Hildur Þórðardóttir stjórnaði hljómsveitinni og á hún miklar þakkir skildar fyrir sitt starf.
Starfsdagur kennara verður í Tónlistarskóla Fjarðabyggðar miðvikudaginn 18 febrúar og vetrarfrí 19. og 20. febrúar. Engin kennsla verður þessa daga. Við vonum að allir nemendur og kennarar njóti vel.
Jólakveðja
Vetrarfrí
300 nemendur í Tónlistarskólanum
Getum ekki bætt við nemendum í bili
Tónlist fer ekki í manngreinarálit
Kennsla hefst 26. ágúst
Nýtt fyrirkomulag í Neskaupstað
Nú er komin í loftið ný heimasíða Tónlistarskóla Fjarðabyggðar. Hún er stöðugt í þróun og smám saman koma fleiri upplýsingar inn. Nú eru helstu upplýsingar komnar s.s. skóladagatal, skólanámskrá, upplýsingar um kennara, skólareglur, viðburðir, fréttir úr starfinu og fleira.
Tónlistarskóli Fjarðabyggðar fékk góða gesti í heimsókn föstudaginn 25. apríl. Það voru skólastjóri og kennarar frá Tónlistarskóla Vesturbyggðar. Dagurinn hófst á heimsókn í Tónlistarskólann í Neskaupstað. Þar var starfsemi Tónlistarskóla Fjarðabyggðar kynnt og hvernig starfið fer fram. Nokkrir nemendur Tónlistarskóla Fjarðabyggðar komu og léku fyrir gestina og endaði heimsóknin í Neskaupstað á því að kennarar og nemendur spiluðu nokkur lög saman. Þaðan var haldið í Tónlistarmiðstöð Austurlands á Eskifirði og aðstaðan skoðuð og starfsemin kynnt. Því næst lá leið hópsins í Tónlistarskólann á Fáskrúðsfirði þar sem aðstaðan var skoðuð og umræður sköpuðust um faglegt starf tónlistarskóla almennt. Sköpunarmiðstöðin á Stöðvarfirði var meðal viðkomustaða og þar tók á móti okkur starfsfólk hennar og leiddi hópinn um húsið og sýndi hvaða starfsemi er í gangi þar en hún er býsna fjölbreytt. Vinny Wood upptökustjóri í Stúdíó Síló tók á móti hópnum og sagði frá uppbyggingunni og starfsemi upptökuversins. Þar hitti hópurinn líka hljómsveitina BSÍ sem var við upptökur. Dagurinn endaði með sameiginlegum kvöldverði á kaffihúsinu Hamri á Breiðdalsvík.
Fimmtudaginn 10. apríl setti Grunnskóli Reyðarfjarðar á svið leikritið Dýrin í Hálsaskógi. Tvær sýningar voru haldnar svo að allir áhugasamir kæmust til að horfa. Dagurinn var strembinn og voru þrjú rennsli og svo tvær sýningar þann daginn. Tónlistarskólinn sá um tónlistina og tókst bara vel til.
