Nú eru framundan fjölmargir vortónleikar Tónlistarskóla Fjarðabyggðar. Þeir verða sem hér segir: 5. maí kl. 17:00 í Egilsbúð Neskaupstað tónleikar nemenda í klassísku námi. 6. maí kl. 17:00 í Egilsbúð Neskaupstað tónleikar nemenda í rytmísku námi - hljómsveitir 12. maí kl. 17:00 í Tónlistarmiðstöð Austurlands á Eskifirði 19. maí kl. 17:00 í Frystihúsinu á Breiðdalsvík 20. maí kl. 17:00 í skólanum á Reyðarfirði tónleikar nemenda í klassísku námi 20. maí kl. 19:00 í skólanum á Reyðarfirði tónleikar nemenda í rytmísku námi - hljómsveitir 21. maí kl. 17:00 í Skólamiðstöðinni á Fáskrúðsfirði tónleikar nemenda í klassísku námi 21. maí kl. 19:00 í Skólamiðstöðinni á Fáskrúðsfirði tónleikar nemenda í rytmísku námi - hljómsveitir Öll eru velkomin og aðgangur er ókeypis.

Uppskeruhátíð tónlistarskólanna - Nótan var haldin um allt land 18. apríl. Svæðistónleikar Nótunnar á Austurlandi fóru fram í Miklagarði á Vopnafirði að þessu sinni. Um 30 nemendur tónlistarskólanna á Austurlandi tóku þátt og átti Tónlistarskóli Fjarðabyggðar sex þeirra. Fyrir hönd Tónlistarskóla Fjarðabyggðar tóku þátt þau Baldur Einþór Jónsson, Birgir Hrafn Valdimarsson, Ísabel Ómarsdóttir, Júlíanna Líf Helgadóttir, Hólmfríður Lilja Gunnarsdóttir og Victoria Rut Smáradóttir. Ísabel lék einleik á píanó og Júlíanna lék einleik á þverflautu. Baldur, Birgir, Hólmfríður og Victoria skipuðu hljómsveitina Karmaland sem fluttu lögin Karma Police (Radiohead) og Go your own way (Fleetwood Mac) Öll stóðu þau sig virkilega vel og voru til mikils sóma.

Blásarasveit Tónlistarskólans hélt alveg stórkostlega tónleika í Egilsbúð fimmtudaginn 26. febrúar. Á efnisskrá voru popp og rokklög frá ýmsum tímum allt frá Grýlunum til Jeff Who. Árni Pétur Árnason sýndi snilldar tilþrif á básúnuna í laginu Bláu augun þín eftir Gunnar Þórðarson. Hljómsveitin töfraði fram hvert lagið á fætur öðru og uppskar standandi fagnaðarlæti í lokin. Hildur Þórðardóttir stjórnaði hljómsveitinni og á hún miklar þakkir skildar fyrir sitt starf.

Starfsdagur kennara verður í Tónlistarskóla Fjarðabyggðar miðvikudaginn 18 febrúar og vetrarfrí 19. og 20. febrúar. Engin kennsla verður þessa daga. Við vonum að allir nemendur og kennarar njóti vel.

Jólakveðja

Vetrarfrí

Getum ekki bætt við nemendum í bili

Tónlist fer ekki í manngreinarálit

Kennsla hefst 26. ágúst